किरात आवाज 
इलामको माङसेबुङ गाउँपालिका स्थित वडा नं ५ मा किरात लिम्बू भाषालाई सरकारी कामकाजको भाषा घोषणा भएको आठौं बर्षको अवसरमा बिशेष कार्यक्रमको आयोजना गरि बार्षिक उत्सव मनाइएको छ ।
माङ्सेबुङ गाउँपालिका वडा नम्बर ५ को आयोजनामा शनिबार वडा कार्यालयको सभाहलमा किरात चोत्लुङ मुहिङगुम अङसीमाङगेन्ना सेवाको अध्यक्ष केहेरसिं योङहाङको प्रमुख आतिथ्यमा विविध कार्यक्रमबीच बार्षिक उत्सव मनाइएको हो ।
Advertisement
लिम्बू भाषा कामकाजको भाषा घोषणा भएको बार्षिक उत्सवको अवसरमा आयोजित कार्यक्रम प्रमुख अतिथि योङहाङले महादिप प्रज्वलन गरि उद्घाटन गर्नुभएको थियो ।
कार्यक्रममा किसन खजुम, किरात साम्यो नालीफूङ्वा मुजोत्लुङ पान्जुम्भोको संस्थापक अध्यक्ष नन्दकुमार नेम्बाङ , माङेन्ना सेवा उपाध्यक्ष होम लिङ्देन, किरात धर्मगुरु कानुनी सल्लाहकार एन एस फागो , माङगेन्ना सेवा समिति अध्यक्ष केहेरसिं योङहाङले शुभकामना मन्तव्य राखेका थिए ।
यस्तै‚ बेलुकी वडा नं. ५ को १३ वटै टोलका स्थानीयले दीप प्रज्वलन गरी लिम्बू भाषालाई सरकारी कामकाजी भाषाको रुपमा प्रयोग गरिएको दिनलाई उत्सवको रुपमा मनाएका छन्।
कार्यक्रममा माङसेबुङ १३ टोलका प्रतिनिधिहरुको समेत उपस्थितिमा वडा सदस्य सुरेन्द्र तुम्बाहाङफेको स्वागत मन्तव्य रहेको कार्यक्रम सुनिल सेर्मा ( नोसाङ ) ले सञ्चालन गरेको थियो ।
