किरात आवाज 
माङसेबुङ । इलामको माङ्सेबुङ गाउँपालिका वडा नम्बर ५ मा किरात लिम्बू भाषा सरकारी कामकाजी भाषा घोषणा भएको ऐतिहासिक दिनकोे सातौं बार्षिक उत्सव मनाइने भएको छ ।
माङ्सेबुङ गाउँपालिका वडा नम्बर ५ को आयोजनामा माङसेबुङमा आज मंगलबार बिबिध कार्यक्रमबिच पाचौं बार्षिक उत्सव मनाइने भएको हो ।
Advertisement
किरात चोत्लुङ मुहिङगुम अङसीमाङगेन्ना सेवा समितिका केन्द्रीय अध्यक्ष केहेरसिं योङहाङको प्रमुख आतिथ्यमा उक्त सातौं बार्षिक उत्सव भव्य रूपमा मनाइने माङ्सेबुङ ५ का दोभासे कर्मचारी सुनिल सेर्मा लिम्बूले जानकारी दिए ।
किरात लिम्बू भाषालाई सरकारी कामकाजी भाषा घोषणा गरेको ऐतिहासिक दिन मंसिर १३ गतेका दिन प्रत्येक बर्ष हर्षोउल्लासका साथ वार्षिक उत्सवको रुपमा मनाउदै आएको दोभासे कर्मचारी लिम्बूले बताए ।
यस्तै पाँचौ वार्षिक उत्सव कार्यक्रम समापन पछि माङ्सेबुङ ५ नम्बर वडाको १५ वटै टोलहरुमा साँझ दिप प्रज्वलन गरिने कार्यक्रम समेत रहेको पनि आयोजक समितिले जनाएको छ ।
गत २०७५ साल मंसिर १३ गते माङसेबुङ गाउँपालिका वडा नम्बर ५, मा किरात लिम्बू भाषालाई सरकारी कामकाजी भाषाको रुपमा घोषणा गरिएको थियो ।
