किरात आवाज 
इलाम । किरात धर्म दर्शनदाता, महान समाज सुधारक राष्ट्रिय विभूति मुहिङगुम अङसीमाङ महागुरु फाल्गुनन्द लिङ्देनज्यूको १४० औं जन्मजयन्ती कार्यक्रम इलामको फाकफोकथुम ३ आमचोक रातमाटेमा भव्यताकासाथ मनाइएको छ ।
आइतबार महागुरु फाल्गुनन्द लिङ्देनज्यूको १४० औं जन्मजयन्ती कार्यक्रम आमचोकको रातमाटेमा मनाइएको हो ।
कार्यक्रमका प्रमुख आतिथि फाकफोकथुम गाउँपालिका अध्यक्ष दिपेन्द्र खनाल रहेको थियो भने विषेश अतिथि किरात साम्यो साक्थिम्गेन पान्जुम्भोका पूर्व अध्यक्ष डीबी लिङ्दम रहनु भएको थियो ।
Advertisement
कार्यक्रममा लोकप्रिय गायक गायीकाहरु निरन्ता नेम्बाङ, वीरपन थेगिम, रोजिना थेगिम ,चोत्लुङ केदेम, तिर्सना नेम्बाङ ,आईन्द्र नेम्बाङले सांङगितिक प्रस्तुती दिएका थिए ।कार्यक्रम श्री सिद्ध किरात युमा माङहिमका अध्यक्ष नगेन्द्र थेगिमको अध्यक्षतामा सम्पन्न कार्यक्रमको स्वागत मन्तव्य वीरपन थेगिम र कार्यक्रम सञ्चालन आईन्द्र थेगिमले गरेका थिए ।
