किरात आवाज 
माङसेबुङ । इलामको माङसेबुङमा जारि दोस्रो महागुरु फाल्गुनन्द कप फुटबल प्रतियोगितामा डिफेन्डिङ च्याम्पियन आशिस स्पोर्टिङ क्लव सेमिफाइनलमा प्रवेश गरेको छ ।
सोमबार माङसेबुङ ५, स्थित प्रस्तावित आत्मानन्द रंगशालामा भएको उद्घाटन खेलमा एन.वाई.सी. चुक्चिनाम्बालाई १–० गोल अन्तरले पराजित गर्दै आशिस स्पोर्टिङ क्लव सेमिफाइनलमा प्रवेश गरेको हो ।
Advertisement
आशिस स्पोर्टिङको जितमा रोशन योगीको एक मात्र गोल निर्णायक बनेको थियो । खेलको मेन अफ दी म्याच पनि रोशन योगी नै घोषित भए ।
यसैगरी आज नै हुने भनिएको आयोजक युथ अफ माङसेबुङ र मिक्लाजुङ ५ विचको खेलमा आयोजक युथ अफ माङसेबुङ सेमिफाइनलमा प्रवेश गरेको छ ।
प्रतियोगिता अन्तर्गत भोलि(मंगलबार) अपरान्ह १ बजे महमाई एफसी र एम.आर.सी. एफ.सी.विच प्रतिस्पर्धा हुने र दिउँसो ३ बजे धरान वारियर्स एफ.सी. र सिङफेरे एफ.सी.विच हुने खेलकुद प्रतियोगिताका आयोजक युथ अफ माङसेबुङका अध्यक्ष विवेक वनेम फागोले बताए ।
प्रतियोगितामा आशिस स्पोर्टिङ क्लव र एन.वाई.सी. चुक्चिनाम्बा, युथ अफ माङसेबुङ, मिक्लाजुङ ५, महमाई एफसी, एम.आर.सी. एफ.सी., धरान वारियर्स एफ.सी., सिङफेरे एफ.सी., आयोजक, चतरे भेट्रान्स, ब्रदर्श युनाईटेड एफ.सी. र बेङडाँडा एफ.सी. दुधे गरि १२ वटा टिमको सहभागिता रहेको छ ।
