किरात आवाज 
इलामको माङसेबुङ ५ स्थित प्रस्तावित आत्मानन्द रंगशालामा भोलि सोमबारदेखि दोस्रो महागुरु फाल्गुनन्द कप फुटबल प्रतियोगिता सुरु हुँदैछ ।
किरात धर्म दर्शनदाता महान समाज सुधारक, राष्ट्रिय विभूति मुहिङगुम अङसीमाङ महागुरु फाल्गुनन्द लिङ्देन १४० औं जन्मजयन्तीको अवसरमा कातिक १९ देखि २५ सम्म सञ्चालन हुने दोस्रो महागुरु फाल्गुनन्द कप प्रतियोगिताको तयारी पुरा भएको आयोजक युथ अफ माङसेबुङका अध्यक्ष विवेक वनेम फागोले जानकारी दिए।
Advertisement
प्रतियोगिताको उद्घाटन खेलमा आशिस स्पोर्टिङ क्लव र एनवाईसी चुक्चिनाम्बाबिच अपरान्ह १ बजे खेल सुरु हुनेछ । दोस्रो खेल युथ अफ माङसेबुङ र मिक्लाजुङ ५ विच हुने अध्यक्ष वनेम फागोले बताए ।
प्रतियोगितामा आशिस स्पोर्टिङ क्लव र एन।वाई।सी। चुक्चिनाम्बा, युथ अफ माङसेबुङ, मिक्लाजुङ ५, महमाई एफसी, एम।आर।सी। एफ।सी।, धरान वारियर्स एफ।सी।, सिङफेरे एफ।सी।, आयोजक, चतरे भेट्रान्स, ब्रदर्श युनाईटेड एफ।सी। र बेङडाँडा एफ।सी। दुधे गरि १२ वटा टिमको सहभागिता रहेको छ ।
विजेता टिमले नगद ४० हजार रुपैयाँको साथमा ट्रफी, मेडल र प्रमाण प्राप्त गर्नेछन् । उपविजेताले टिमले नगद २० हजार रुपैयाँको साथमा ट्रफी, मेडल र प्रमाण प्राप्त गर्नेछन् ।
