किरात आवाज 
माङसेबुङ । इलामको माङसेबुङ ५ अवस्थित रहेको किरात साम्जिक मुन्धुम निसामहिमको ४३ औं स्थापना दिवस तथा सम्मान कार्यक्रम सोमबार सम्पन्न भएको छ ।
निसामहिम अक्षयकोषमा सहयोग गर्ने सुखमाया श्रेङ चोङबाङ र साम्धोज थेबेलाई सम्मान गरिएको थियोे । उनीहरूले निसामहिमको अक्षयकोषका लागि रु २ लाख १० हजार उपलब्ध गराएका थिए । भने, माङसेबुङ ग्रामीण रेडक्रस खानेपानी तथा सरसफाइ उपभोक्ता समितिलाई पनि धन्यवाद पत्रले सम्मान गरेका थिए ।
Advertisement
कार्यक्रममा प्रमुख अतिथि किरात चोत्लुङ मुहिङगुम अङसीमाङगेन्ना सेवा समितिका अध्यक्ष केहेरसिं योङहाङ र विशेष अतिथि माङसेबुङ गाउँपालिका वडा न. ५ का वडा अध्यक्ष नरेन्द्रकुमार राई रहेको थियोे ।
माङसेबुङ ग्रामीण रेडक्रस खानेपानी तथा सरसफाइ उपभोक्ता समिति अध्यक्ष चन्द्रकुमार साँबा,किरात साम्यो साक्थिम्गेन मुजोत्लुङ पान्जुम्भोका अध्यक्ष ज्ञानु केदेम, माङसेबुङ येहाङमुक कोक्मा ताङसेप चुम्भो अध्यक्ष इन्द्रप्रसाद आङदेम्बे, किरात चोत्लुङ मुहिङगुम अङसीमाङगेन्ना सेवा समिति सदस्य पूर्ण कार्कीढोली, किरात धर्म तथा साहित्य उत्थान संघ केन्द्रीय सह कोषाध्यक्ष चन्द्रा सेन्दाङ लगायतले शुभकामना मन्तव्य राखेका थिए ।
