किरात आवाज 
पाँचथरको फिदिम ३ मा अवस्थित नाम्भुनयक सिलौटीमा किरात धर्मगुरु मुहिङगुम अङसीमाङ लिङ्देन आत्मानन्द सेइङ तथा मुहिङगुम अङसीमामा साँबा पवित्रहाङमा लिङ्देन ज्यूहरुको निजी आश्रमको शिलान्यास भएको छ।
नेपाली काङ्ग्रेसका सहमहामन्त्री भीष्मराज आङदेम्बेले शिला र इंटा गाढेर सोमबार शिलान्यास गर्नुभएको हो। उहाँले धर्म, संस्कृति र धर्मगुरु सबैको साझा भएकोले यसबारेमा वादविवाद गर्न नहुने धारणा राख्नुभयो।
Advertisement
यसैगरी फिदिम वडा ३ का वडाअध्यक्ष नरेन्द्र गुरुङले पनि शुभकामना मन्तव्य राख्नु भएको थियोे । कार्यक्रममा तुम्बेवा गाउँपालिका अध्यक्ष लगायत विभिन्न पालिकाका जनप्रतिनिधिहरुको समेत उपस्थिति रहेको थियो ।
निजी गुरुआश्रम कृषि शाखा नाम्भुनयक सिलौटीका अध्यक्ष भगिहाङ नेम्वाङको अध्यक्षतामा सम्पन्न कार्यक्रममा सल्लाहकार एवम् किरात याक्थुङ पेभाकुम नेम्वाङ संजुम्भोका अध्यक्ष नन्दकुमार नेम्वाङले स्वागत मन्तव्य राखेका थिए । भने कार्यक्रम सञ्चालन शाखा समिति सचिव ध्रुव तुम्बापोले गरेको थियोे ।
