किरात आवाज 
मोरङ जिल्लाको केराबारी गाउँपालिका वडा नम्बर -१ पाटी गाउँ अवस्थित श्री सरस्वती माध्यमिक विद्यालयमा पन्ध्र दिनकी सुत्केरी महिला गरिमा लिम्बूले लिम्बू भाषा कक्षा ११ को परीक्षा दिएकी छन् ।
लिम्बू भाषा माध्यमिक शिक्षा परिषद बोर्डले जारी गरेको परिक्षा तालिका अनुसार आज शनिबार धनकुटाको चौविसे गाउँपालिका वडा नं. ६ का गरिमा लिम्बूले मोरङको पाटीस्थित सरस्वती माबि परिक्षा केन्द्रबाट लिम्बू भाषाको परीक्षा दिएकी हुन् ।
Advertisement
लिम्बूले १५ दिनको नानीलाई काखमा लिएर परिक्षा लेखिरहेको तस्बिर सामाजिक संजाल फेसबुकमा लेखक तथा साहित्यकार सेसेहाङ फियाकले पोस्ट गरेको छ । फियाकले उनको तस्बिरलाई समाजिक संजालमा पोस्ट गर्दै भाषिक आन्दोलनको महान अभियान भन्दै उनलाई बधाई समेत दिएकी छन् ।
