किरात आवाज 
लिम्बू भाषा माध्यमिक शिक्षा बोर्डले जारी गरेको कक्षा ११ र १२ परीक्षा तालिका अनुसार आज शुक्रबार कक्षा १२ को परीक्षा सम्पन्न भएको छ । भोलि शनिबार कक्षा ११ को परीक्षा हुने जनाइएको छ ।
इलामको माङसेबुङ ५ अवस्थित श्री सरस्वती माध्यमिक बिधालयमा कक्षा १२ को परिक्षा सफलतापुर्वक सम्पन्न भएको हो । परीक्षामा पूर्वका विभिन्न जिल्लाबाट परीक्षार्थीहरु सहभागी भएका थिए ।
Advertisement
सो परिक्षा केन्द्रमा २८ जना परिक्षार्थी रहेकोमा २४ जना बिद्यार्थीले १२ कक्षाको परिक्षा लेखेका छन् । सो परिक्षामा ७ जना छात्र सहभागी रहेका थिए । भने , १७ जना छात्रा परिक्षार्थीहरुले लिम्बु भाषाको परिक्षा लेखेको जनाइएको छ ।
पुर्वको जिल्लाहरु ताप्लेजुङ, पान्थर, इलाम , मोरङमा लिम्बू भाषाको परीक्षा हुदैछ । यसैगरी पान्थरको पृथ्वी माबि यासोक, खलंगाटार माबि याङनाम, सत्येहाङमा माबि इम्बुङ, ताप्लेजुङको सेवा माबि फक्ताङलुङ गाउँपालिका र इलामको सरस्वती माबि माङ्सेबुङ र मोरङको सरस्वती माध्यमिक बिधालय पाटी मोरङ लगायत परिक्षा केन्द्रमा परीक्षा भएको भाषा शिक्षक दिलबिर सेर्माले बताए ।
