ताप्लेजुङमा अङसीमाङ तथा अङसीमामाङको आज माङ सवारी हुँदै

बिहीबार आज ताप्लेजुङ मेरिङदेनको सान्थाक्रा स्थित राष्ट्रिय विभूति महागुरु फाल्गुनन्द लिङ्देनको प्रतिमा अनावरण र ताप्लेजुङको लिम्बुदिनको चित्रेडाडामा निर्माण गरिएको स्वर्गीय  तोपाहाङ लिङ्देन शालिक अनावरण कार्यक्रममा किरात धर्मगुरु मुहिङगुम अङसिमाङ आत्मानन्द लिङदेन सेइङ तथा अङसिमामाङ साबा पवित्रहाङमा लिङदेन माङसवार हुनेभएको हो ।

कार्यक्रममा अङसीमाङ र अङसीमामाङ्हरुको हवाई मार्ग भएर ताप्लेजुङको सान्थाक्रामा महागुरुको प्रतिमा र लिम्बुदिन चित्रेडाडामा निर्मित स्वर्गीय तोपाहाङ लिङ्देनको शालिक अनावरणको लागि माङ सवार हुने किरात चोत्लुङ मुहिङगुम अङसीमाङगेन्ना सेवा समितिका अध्यक्ष केहेरसिं योङहाङले जानकारी दिए ।