किरात आवाज 
माङसेबुङः उपप्रधानमन्त्री एवं गृहमन्त्री रवि लामिछानेले किरात धर्मगुरु मुहिङगुम अङसीमाङ आत्मानन्द लिङदेन ‘सेइङ’ ज्युसंग भेट दर्शन गरेका छन् ।
शुक्रबार इलामको माङसेबुङ -५, अवस्थित किरात धर्मगुरु निजि गुरु आश्रममा पुगेर उपप्रधान एव गृहमन्त्री रवि लामिछाने र युवा तथा खेलकुद मन्त्री विराजभक्त श्रेष्ठ लगायत टोलिले किरात धर्मगुरु ज्यूसंग भेट दर्शन गरेका हुन् ।
Advertisement
आजै जनमत पार्टीका अध्यक्ष तथा संसद डा. चन्द्रकान्त राउत गुरु भेटदर्शनमा आएका थिए । इलाम २ मा हुनगईरहेको उप निर्वाचन नजिकिदै गर्दा गुरुभेट दर्शनको भिड बढ्न थालेको छ । जनमत पार्टीको तर्फबाट इलाम २ मा पहिचानवादी नेता प्रेमदिप थाम्सुहाङलाई उम्मेदवार घोषणा गरेका छन् भने राष्ट्रिय स्वतन्त्र पार्टीको तर्फबाट पत्रकार मिलन योङहाङलाई अघि सारेका छन् ।
गत निर्वाचनमा निर्वाचित नेकपा एमालेका तर्फबाट चुनाव जितेका उम्मेदवार सुवाषचन्द्र नेम्वाङको निधन भएपछि रिक्त इलाम २ मा यहि बैशाख १५ गते उपनिर्वाचन हुन लागेको हो ।
