किरात आवाज 
इलाम । इलामको फाकफोकथुम गाउँपालिका ७ स्थित एकतप्पाको रुपाटारमा किरात धर्म दर्शनदाता राष्ट्रिय विभूति महागुरु फाल्गुनन्द लिङदेनको १३९ औं जन्मजयन्ती मनाईएको छ ।
शनिबार सिद्ध किरात हाङसाम युमा माङहिमको आयोजनामा सेवा पूजा , शुभकामना आदानप्रदान कार्यक्रम गरी महागुरु फाल्गुनन्द लिङ्देनकिो जन्मजयन्ती भव्यताकोसाथ मनाईएको हो ।
Advertisement
कार्यक्रमको प्रमुख अतिथि फाकफोकथुम गाउँपालिका अध्यक्ष दिपेन्द्र खनालले दिप प्रज्वलन गरेर कार्यक्रमको उद्धघाटन गर्नुभएको थियो । उक्त
कार्यक्रममा गाउँपालिका उपाध्यक्ष कल्पना राई, निवर्तमान गाउँपालिका अध्यक्ष रामकुमार श्रेष्ठ, अधिवक्ता सुहाङ नेम्वाङ र वडा अध्यक्ष छत्रबहादुर लिम्बूलगायत विभिन्न संघसंस्थाका प्रतिनीधिहरुको उपस्थिति रहेको थियो ।
उक्त कार्यक्रम किरात हाङसाम युमा माङहिमका अध्यक्ष पञ्चबहादुर योङहाङ लिम्बूको अध्यक्षतामा सम्पन्न भएको थियो ।
तस्वीर : पन्च योङहाङ
