किरात आवाज 
दमक । झापाको शिवसताक्षी -९, चिल्लागढमा महागुरु फाल्गुनन्द १३९ औ जन्मजयन्ती कार्यक्रम शनिबार मनाइएको छ ।
किरात धर्मगुरु मुहिङगुम अङसीमाङ लिङ्देन आत्मानन्द सेइङ तथा मुहिङगुम अङसीमामाङ साँबा पवित्रहाङमा लिङ्देनज्यूहरुको गरिमामय देव समुपस्थितिमा चिल्लागढधाम स्थित महागुरु फाल्गुनन्द लिङ्देनको १ सय ३९ औ जन्मजयन्ती कार्यक्रम भव्यताकासथ मनाइएको हो ।
Advertisement
अङ्सीमाङ तथा अङ्सीमामाङहरुको हस्तबाहुलीबाट चिल्लागढधाममा अवस्थित नवनिर्मित किरातेश्वर हाङ्साम माङ्हिम उद्घाटन एवं फाल्गुनन्द लिङ्देको प्रतिमामा समेत अनावरण गर्नुभएको थियो ।
कार्यक्रमका प्रमुख अतिथि वन तथा वातावरण मन्त्री माननीय वीरेन्द्रप्रसाद महतोले महागुरु फाल्गुनन्द लिङ्देनको १३९ औं जन्मजयन्ती मूल समारोह कार्यक्रमको दिपप्रज्वलन गरि समुद्घाटन गर्नुभयो । त्यस्ततै किरात धर्मगुरु लिङ्देन आत्मानन्द सेइङ` ले आशीर्वचन समेत प्रदान गर्नुभएको थियो ।
समारोहमा किरात चोल्तुङ मुहिङगुम अङ्सीमाङगेन्ना सेवा अध्यक्ष केहेरसिं योङहाङ , उपाध्यक्ष कमल्ल किरात धर्मगुरु निजि सचीव टंक लिङ्देन, माननीय एमपी सावाँ , शिवसताक्षी नगरपालिका मेयर मेघराज थोप्रा ( रोशन ) लिम्बुवान राष्ट्रिय समिति अध्यक्ष खगेन्द्र माखिम, दिपेन वाला राई, नेपाल आदिवासी जनजाति झापा जिल्ला अध्यक्ष पाण्डव लाल चौधरी , लगायत विभिन्न संघ सस्थामा आवद्ध प्रतिनिधि लगायतको उपस्थिति रहेको थियो ।
उक्त कार्यक्रम स्वागत मन्तव्य सह संयोजक डिल्लीहाङ इङनामले गरेको थियो । त्यस्तै औचित्य मन्तव्य किरात धर्म साहित्य उत्थान संघका अध्यक्ष डकेन्द्रसिंह थेगिमले राख्नु भएको थियोे । भने ,कार्यक्रम चिरञ्जीवी खालीङले सन्चालन गरेका थिए ।
