युकेको मिडलेन्डमा सामुहिक माङगेन्ना सेवा सम्पन्न

युकेको मिडलेन्ड अवस्थित बसोबास गर्ने किरात धर्मावलम्बीले सामुहिक माङगेन्ना सेवा गरेका छन् ।

किरात धर्म तथा साहित्य उत्थान संघ राष्ट्रिय समिति बेलायतको आयोजनामा ३ फेब्रुअरी शनिबारका दिन मिडलेन्ड छेत्रमा बसोबास गर्ने किरात धर्मावलम्बीले सामुहिक माङगेन्ना सेवा गरेको हो ।

सामुहिक माङ्गेन्ना सेवामा किरात धर्म तथा साहित्य उत्थान सङ्घ रास्टृय समिति बेलायतका अध्यक्ष तथा साङ्दाङ्गेन वरुमसावा रामकुमार सिंथेबे र साङ्दाङ्गेन वरुम साबा तेज बहादुर मेन्याङबो, माङसेवासामाहरुमा सीता थेबे र आशा थोप्रा रहेको थियो ।

यसैगरी माङसेवासाबा / सामा सहयोगीहरुमा संघका उपाध्यक्ष तथा माङसेवासाबा तिल बिक्रम लाओति, भोज कुमारी चाम्लिङ राई, समुन्द्रा फियाक , गंगामाया लाओती, तारा चेम्जोङ, प्रेम पन्धाक, गणेश लाओती रहेको थियो ।