योगेश लाओती 
आसाम : कोक्राझार जिल्ला सरलपाडाका किरात धर्मावलम्बीले इतिहासकार इमानसिंह चेम्जोङको १२० औँ जन्मजयन्तीको अवसरमा लाधुङसेमी सेवा सम्पन्न गरिएको छ ।
सोमबार किरात धर्म तथा साहित्य उत्थान संघ शाखा समिति कोक्राझार सरलपाडाको आयोजनामा इमानसिंह चेम्जोङ जन्मजयन्तीको अवसरमा सरलपाडा स्थित निर्माणधिन किरात माङहिमको प्राङ्गणमा लाधुङसेमी सेवाको आयोजना गरि मनाइएको छ ।
Advertisement
अंग्रेजी सम्वत जनवरी १ तारिक नयाँ वर्षका दिन चेम्जोङको योगदानको चर्चा गर्दै उनको तस्बिरमा माल्यार्पण गरी जन्मजयन्ती साथै लाधुङसेमी सेवा लगाइएको हो ।
सेवामा माङसेवासाबाहरु शब्दिगुरु वीरबहादुर मेयङ लिम्बू , चेत बहादुर साउदेन लिम्बू , ताम बहादुर तेयुङ लिम्बू , किरण लिम्बू रहेको थियोे । भने, सेवासामाहरुमा पवित्र राई , बुद्धिमाया हेम्ब्या लिम्बू रहेकी थिइन् । 
नेपालमा इमानसिंह चेम्जोङको प्राज्ञिक योगदानको उच्च मूल्याङ्कन गर्दै बि:स २०५५ सालमा तत्कालीन सरकारले उनको सम्मानमा १ रुपैयाँको हुलाक टिकट जारी गरेको थियो ।
